14 майдан 18 майга кадәр иртәнге 8 дән кичке 6 га кадәр Алексеевск үзәк район хастаханәсендә барлык яшьтәге хатын-кызлар өчен маммография үткәреләчәк.
Тикшерү бушлай. Үзең белән паспорт, медицина полисы, СНИЛС һәм юллама алып килергә.
Юллама алу өчен үзәк район хастаханәсенең кабул итү-диагностика бүлегенә мөрәҗәгать итәргә.
Маммография - хатын-кызларда яман шеш авыруын иртә срокларда ачыкларга мөмкинлек бирүче мөһим тикшеренүләрнең берсе, димәк, вакытында дәваланып, гомереңне озайта аласың.