Алексеевскиның "ФОРПОСТ" хокук тәртибен саклау яшьләр отряды "Ромашка" балалар бакчасы тәрбияләнүчеләре янында кунакта булды

Алексеевскиның "ФОРПОСТ" хокук тәртибен саклау яшьләр отряды "Ромашка" балалар бакчасы тәрбияләнүчеләре янында кунакта булды. Яшьләр белән эшләү буенча белгеч, "ФОРПОСТ" хәрәкәте җитәкчесе Лилия Кашапова очрашуның ничек узуы турында сөйләде:
– Форпостчылар саф әзерлеген, Калашников автоматын сүтеп-җыюларын күрсәттеләр һәм «Служить России» җырын җырладылар. Сабыйлар гаҗәпләнгән күзләре белән кунакларга карадылар һәм аларның һәр сүзенә, гамәленә игътибар иттеләр. Аннары балалар үзләренең бәйрәм чыгышларын тәкъдим иттеләр. Ә ахырдан бергәләп төрле уеннар уйнадык. Очрашу уңышлы узды. Бу традициягә әйләнсен иде.