Халыкара инвалидлар көне
Бүгенге көндә безнең күбебез Инвалидлар көне кебек вакыйга турында яхшы белә. Россиядә, күп кенә башка илләрдәге кебек үк, ул 3 декабрьдә билгеләп үтелә. Әлеге карар БМО Генераль ассамблеясе тарафыннан инвалидлыктан җәфа күрүче кешеләргә кагылышлы мөһим мәсьәләләрдә ярдәмне арттыру максатында кабул ителде. Бу көн шактый авыр яшәүче кешеләр өчен аларга булышу, аларның җәмгыять тормышында тулы кыйммәтле һәм тулы хокуклы катнашуларын тәэмин итү өчен махсус оештырыла. Россиядә Инвалидлар көне тагын мөмкинлекләре чикләнгән кешеләрнең тормыш дәрәҗәсен яхшырту юлларын да күздә тота. Бөтендөнья инвалидлар көне алар турында яшәп килүче фикерне үзгәртергә мөмкинлек бирә. Ни кызганыч, күпләр аларны хәзерге заман тормышына сәләтсез дип саныйлар. Ул гомумкабул ителгән стереотипларны җимерә, мөмкинлекләре чикләнгән кешеләрнең проблемаларына җәмәгатьчелекнең игътибарын җәлеп итә, аларның яшәү шартларын җайга салырга булыша. Мөмкинлекләре чикләнгән кешеләр Конституция буенча илнең барлык гражданнары белән тигез хокукларга ия.