Айрат Хәйруллин авыл хатын-кызларын Әниләр көне белән котлады: “Үзегезне саклагыз, үзегезне яратыгыз, ял итү турында онытмагыз”

– Бүген – хатын-кызлар, әниләр көне, алар аркасында без бәхетле балалар көлүен ишетәбез. Ана йөрәгендә үз балаларына иксез-чиксез мәхәббәт яши. Ана мәхәббәте барысын да кичерә, ана һәрвакыт булыша һәм үз баласын дөрес юлга юнәлтә. Ананың кайгыртучан, нәфис куллары балаларны бәла-казалардан, кайгы-борчулардан һәм күңелсезлекләрдән саклый.

– Хөрмәтле хатын-кызлар, кадерле әниләребез, сез үз балаларыгызны лаеклы кешеләр итеп үстерергә тырышасыз, аларны намуслы һәм гадел  итеп тәрбиялисез. Сез үзегезнең бөек вазыйфагыздан тыш, югары җаваплылык, ярдәмчеллек, сабырлык, уртак эшләрдә һәм башлангычларда мәрхәмәт күрсәтәсез. Без  сезнең өйдә дә, социаль өлкәдә дә, эш урыннарында да күпкырлы хезмәтегезнең уңай нәтиҗәләрен күрәбез. Сезнең тырышлыгыгыз аркасында без инде ничәнче ел югары уңыш һәм күп сөт алуыбызга сөенәбез. Үзегезне саклагыз, үзегезне яратыгыз, ял итү турында онытмагыз, һәм балаларыгыз сезне үзләренең уңышлары белән ешрак сөендерсеннәр, – дип теләде Айрат Хәйруллин авыл хатын-кызларына.