Хәзер “ТР хезмәтләре” («Услуги РТ») мобиль кушымтасы аша салым бурычларын түләргә мөмкин

Хәзер “ТР хезмәтләре” («Услуги РТ») мобиль кушымтасы аша салым исәпләүләрен һәм бурычларны түләргә мөмкин. Мобиль кушымтаны яңарту турында Министрлар Кабинетындагы брифингта журналистларга ТР Мәгълүматлаштыру һәм элемтә министры урынбасары Тимур Зарипов сөйләде. Шуның белән бергә ул моны түләүченең кирәкле мәгълүматлары белән тиешле квитанциясе булганда гына эшләп була, дип аңлатты.

Тимур Зарипов, узган атнада кушымта яңартылды, дип хәбәр итте. Атап әйткәндә, тагын бер хезмәт – газ белән тәэмин итү хезмәтләренә уңайлы түләү өстәлде.

Моннан тыш, министр урынбасарының сүзләренә караганда, күп функцияле үзәкләргә, социаль яклау органнарына, халыкны эш белән тәэмин итү үзәкләренә язылу мөмкинлеге барлыкка килде.