Тууына – 90 яшь

2017 елның 5 сентябрендә  район ветераннар советы рәисе Елена Макарихина, район ветераннар советы әгъзасы Гүзәлия Шакирова һәм социаль яклау бүлегенең өйләргә барып  социаль  хезмәт күрсәтү бүлеге мөдирәсе  Лариса Белова, Зур Тигәнәле авыл җирлегенең башлангыч ветераннар оешмасы рәисе һәм әгъзалары  хезмәт ветераны, тыл хезмәтчәне, күп балалы ана,  Алексеевск районының Зур Тигәнәле   авылы кешесе Гарипова Илһамия Мөҗип кызын 90 яшьлеге белән котладылар һәм аңа  РФ Президенты В.В.Путиннан котлау открыткасы, район башлыгыннан бүләк җыелмасы, азык-төлек пакеты һәм котлау открыткасы тапшырдылар.

Илһамия Мөҗип кызы “Разумовский” совхозында төрле эшләрдә эшли. Эшләү дәверендә аңа пилорамда, төзелештә һәм басуда көч түгәргә туры килә. Дүрт бала: ике малай һәм ике кыз тәрбияләп үстерә. Биш оныгы һәм өч оныкчыгы бар. Олы яшьтә булуына да карамастан, кәефе күтәренке, таза, нык, ягымлы һәм мөлаем.