Авыл халкына үсентеләр өчен орлыклар өләшәләр

Алексеевск районында кулланучылар кооперациясе системасы аша авыл халкына ярдәм итү буенча эш башланды.

Татарстан Республикасы Авыл хуҗалыгы һәм азык-төлек министрлыгы линиясе буенча үсентеләр өчен орлыкларны түләүсез тапшыру оештырылды. Авыл халкы үз участокларында суган, кишер һәм чөгендер үстерә алачак.

Орлыклар авыл җирлекләре башлыклары аша тапшырыла. Беренче чиратта аларны махсус хәрби операциядә катнашучыларның гаиләләре, күп балалы гаиләләр, шулай ук актив авыл кешеләре ала.

Үстерелгән уңышны халык үз ихтыяҗлары өчен калдыра, ә артыгын Алексеевск районы кулланучылар җәмгыятенә арзан бәядән тапшыра яки авыл хуҗалыгы ярминкәләрендә мөстәкыйль сата ала.

Мондый чара шәхси ярдәмче хуҗалыкларга ярдәм итәргә һәм авыл халкына өстәмә керем алырга мөмкинлек бирә.