РСФ ның Татарстан Республикасы буенча бүлеге 2025 елда проактив рәвештә ана капиталына 19 меңнән артык сертификат рәсмиләштергән

Ана капиталы сертификатын рәсмиләштерү бүген цифрлы форматта башкарыла. Процесс бала туу турында гражданлык хәле акты язылу системасына кергәннән соң башлана. Әлеге мәгълүматлар автоматик режимда Россия Социаль фондына тапшырыла, анда эшкәртү уза, шуннан соң әзер сертификат «Госуслуги»порталында ата-ананың шәхси кабинетына җибәрелә. Кагыйдә буларак, капиталга хокук анага рәсмиләштерелә, әмма мәҗбүри шарт булып аның ЕСИА да расланган исәп язмасы (Бердәм идентификация һәм аутентификация системасы) булуы тора.
«2020 елдан Татарстанда ана капиталына сертификатлар рәсмиләштерүнең проактив форматы гамәлдә. Димәк, гаиләләргә фондка шәхсән гариза бирергә кирәкми-документ автомат рәвештә формалаштырыла. 2025 ел дәвамында гына да республикада шундый ысул белән 19 388 электрон сертификат бирелде», — дип аңлатты РСФ ның ТР буенча бүлеге идарәчесе Эдуард Вафин.

Сертификатның цифрлы версиясе йөкләп алу яки бастыру өчен мөмкин, шул ук вакытта документның гамәлдә булу вакыты чикләнмәгән. Аны рәсмиләштерү вакытына сертификатта теркәлгән ана капиталы күләме, калган акчаларны да кертеп, 1 февральдән ел саен индексацияләнергә тиеш. Бу вакытта бернинди документны да алыштыру таләп ителми-сумманы үзгәртү автомат рәвештә башкарыла. Капитал күләме яки аның калдыгы турындагы актуаль мәгълүматларны теләсә кайсы вакытта дәүләт хезмәтләре порталында алырга мөмкин, анда Өземтә онлайн формалаштырыла һәм шунда ук ата-ананың шәхси кабинетына керә.

Шулай ук ШП (шәхси эшмәкәрләр) (әниләр дә, әтиләр дә) ана капиталын алырга һәм аны балаларны укытуга һәм тәрбияләүгә (хосусый балалар бакчасы, бала караучы хезмәтләре, төп/өстәмә программалар буенча белем алу) юнәлтергә хокуклы. Мәҗбүри шартлар: шәхси эшмәкәрләрнең белем бирү эшчәнлегенә гамәлдәге лицензиясе булу һәм РСФ да хезмәтләр бәясен төгәл исәпләп, шартнамә бирү.