Казанда «Единая Россия» партиясенең Халык программасын гамәлгә ашыруга багышланган «Есть результат!» региональ хисап-программа форумы узды
Форум эшендә Алексеевск районы делегациясе катнашты.
Чара Татарстан Республикасы Рәисе, «Единая Россия» партиясенең Югары советы Бюросы әгъзасы Рөстәм Нургали улы Миңнеханов катнашында узды. Форумның төп темасы төбәктә партиянең халык программасын гамәлгә ашыру нәтиҗәләре һәм аның яңа редакциясенә тәкъдимнәр җыю булды.
Форум программасы кысаларында үсешнең төп юнәлешләренә: икътисадка, авыл территорияләренә, яшьләргә һәм балаларга ярдәм итүгә, шулай ук халыкның тормыш сыйфатын күтәрү мәсьәләләренә багышланган дискуссия мәйданчыклары эшләде. Чара пленар утырыш белән тәмамланды.
Рөстәм Нургалиевич билгеләп үткәнчә, бүген «Единая Россия» — барлык төбәкләрдә һәм хакимиятнең барлык дәрәҗәләрендә вәкиллеге булган иң күпсанлы сәяси көч, безнең милли лидерыбыз, ил Президенты Владимир Владимирович Путинның таянычы.«Без үзебезгә ышануларын күрәбез, һәм бу, барыннан да элек, безнең гражданнар алдында зур җаваплылыгыбыз турында сөйли».
Форум алдагы бурычлар турында фикер алышу һәм партиянең яңартылган халык программасына тәкъдимнәр формалаштыру мәйданчыгына әверелде.