Алексеевскида чаңгы базасында «Ночная гонка – 2026» II ачык һәвәскәрләр ярышы узды.

2026 елның 11 марты, чәршәмбе

Быел чара Халыкара хатын-кызлар көненә багышланган иде.

Стартка Татарстанның Кама аръягы зонасы шәһәрләре һәм районнарыннан 50дән артык чаңгычы чыкты. Катнашучылар 10 һәм 20 километр араны үттеләр. Шунысы куандыра, мондый ярышлар төрле яшьтәге кешеләрне җыя һәм чаңгы спортын яратучыларны берләштерә.

Район башлыгы Сергей Демидов «Мостовик» ҖЧҖ җитәкчесе Рөстәм Фоат улы Вәлиевка ярышларны оештыруда ярдәм иткәне өчен рәхмәт белдерде. Шундый инициатива  нәтиҗәсендә районда яңа спорт традицияләре барлыкка килә.

Җиңүчеләрне һәм призерларны котлыйбыз. Барлык катнашучыларга да ачык һәм гадел көрәшләре өчен рәхмәт.