Коры Көрнәле авылында район авыл җирлекләре башлыкларының күчмә киңәшмәсе узды
Киңәшмә башланыр алдыннан катнашучылар мини-фермалар эше белән таныштылар. Сарык үрчетү һәм эре мөгезле терлек үрчетү үсеш алган өч хуҗалыкта булдык. Мондый мисаллар тагын бер кат кече фермер хуҗалыкларының авыл территорияләрен үстерүдә ихтыяҗ зур булган юнәлешләрнең берсе булуын күрсәтә.
Киңәшмәдә җирлекләрнең социаль-икътисади үсеше, финанс-хуҗалык эшчәнлеген оптимальләштерү, ташландык җирләрне норматив хәлгә китерү, шулай ук халыкка сәүдә хезмәте күрсәтүне оештыру мәсьәләләре турында фикер алыштылар.
Авыл җирлекләре башлыкларының күчмә очрашуларын традиция буенча кварталга бер мәртәбә уздырабыз. Алар урында эш практикасын өйрәнергә, тәҗрибә уртаклашырга һәм актуаль мәсьәләләрне чишү юлларын табарга мөмкинлек бирә.
Очрашу азагында район башлыгы Сергей Демидов, мөмкинлектән файдаланып, авыл җирлекләре башлыкларын — хатын-кызларны якынлашып килүче Халыкара хатын-кызлар көне белән котлады.