РСФ ның Татарстан Республикасы буенча бүлеге 2024 елда 550 меңнән артык электрон эшкә яраксызлык буенча пособие түләде

 РСФ ның Татарстан Республикасы буенча бүлеге 2024 елда 550 меңнән артык электрон эшкә яраксызлык буенча пособие түләгән.

Татарстан Республикасы халкы 2024 елда 550 меңнән артык эшкә сәләтсезлек электрон кәгазе алды. Вакытлыча эшкә яраксызлык буенча пособиеләр түләүнең гомуми суммасы 15 миллиард сум тәшкил итте.

2024 елдан медицина оешмалары эшкә сәләтсезлек кәгазьләрен бары тик электрон документ рәвешендә генә бирә. Медицина оешмасы хастаханә кәгазен япканнан соң, ә эш бирүчедән кирәкле мәгълүматлар алынганнан соң, Татарстан Республикасы буенча  РСФ бүлеге пособиене 10 көн эчендә билгели.

Больничныйны ачу, озайту яки ябу, шулай ук хезмәткә сәләтсезлек кәгазе өчен түләү турындагы мәгълүмат дәүләт хезмәтләре порталында гражданның шәхси кабинетына керә.

Россия Социаль фондының Татарстан Республикасы буенча бүлеге идарәчесе Эдуард Вафин белдергәнчә, учреждение катлаулы тормыш хәлендә республиканың һәр кешесенә ярдәм күрсәтергә омтыла. 2025 елда түләүләр системасын тагын да яхшырту, аны һәркем өчен уңайлырак һәм аңлаешлырак итү планлаштырыла.

2025 елдан пособиеләр күләме арттырылды һәм көненә 5 673,97 сумга кадәр түләнәчәк. Вакытлыча эшкә яраксызлык буенча пособиеләрне исәпләү өчен алдагы ике елда уртача хезмәт хакы алына. Пособие күләме иминият стажына һәм хезмәт хакы күләменә бәйле: 8 елдан артык стаж булганда — 100%, 5 елдан 8 елга кадәр стаж булганда — 80%, 5 елдан азрак стаж булганда — 60%. 2025 елда 8 ел стажы булганда айга пособиенең максималь күләме 172 488,69 сум тәшкил итәргә мөмкин.