Районның озын гомерле хатын-кызлары юбилейларын билгеләп үттеләр

26 январь көнне Мортазина Шәмсигаян Галләм кызы 95 яшьлек юбилеен билгеләп үтте.

 Шәмсигаян Галләмовна Алексеевск районының Әшнәк авылында туа. 1943 елдан колхозда сыер савучы булып эшли, аннары Алексеевск үзәк район хастаханәсендә йогышлы авырулар бүлегендә санитарка булып эшли, шуннан лаеклы ялга чыга.  Ире белән бергә кыз үстерәләр. Шәмсигаян Галләм кызының 2 оныгы, 3 оныкчыгы бар.

24 январь көнне Садыйкова Рушания Закировна 90 яшьлек юбилеен билгеләп үтте.

Садыйкова Рушания Закировна Юеш Көрнәле авылында туган. 7 сыйныфны тәмамлаган. Төрле өлкәләрдә эшли: кошчылык фермасында төрле эшче, сыер савучы. Лаеклы ялга чыкканчы «Родина» колхозы идарәсендә техник хезмәткәр булып эшли. Ире белән дүрт бала үстерәләр — ике ул һәм ике кыз. Рушания Закировнаның 9 оныгы, 17 оныкчыгы бар.

Хатын-кызларны юбилей даталары белән район хакимияте вәкилләре һәм ветераннар советы рәисләре котлады. Юбилярларга РФ Президенты В.В. Путиннан котлау открыткалары, азык-төлек пакетлары һәм Алексеевск муниципаль районы башлыгы Сергей Демидовтан котлау открыткалары тапшырылды.