Бөтенроссия конкурсында җиңүче

Алексеевсктан укытучыны Мәскәү финанс форумында бүләкләделәр.

Беренче мәктәп педагогы Ландыш Мирзагалиева әлеге дәрәҗәле Бөтенроссия чарасында катнашты.

Ул «От финансовой грамотности к финансовой культуре - стратегия 2030» секциясендә катнашкан. Әлеге чарада мәгариф министры Сергей Кравцов аны "Финанс грамоталылыгы программасын гамәлгә ашыруның иң яхшы моделе" номинациясендә Бөтенроссия "Финансовая перемена" финанс грамоталылыгы педагогларының һөнәри осталыгы конкурсында җиңүче дипломы белән бүләкләде.

«Кадерле хезмәттәшебезне шундый югары бүләк белән котлыйбыз! Аңа алга таба иҗади уңышлар телибез, ирешкәннәрендә тукталмаска һәм шул ук рухта дәвам итүен телибез», - дип котлады мәктәп коллективы үзенең социаль челтәрләрендә.