Яңа сарай -яңа лига

Алексеевскида хоккей лигасы узачак.

Сентябрьдә 2023/2024 елгы сезонның Кама аръягы хоккей лигасы «Элгрант» ҖЧҖ Кубогына һәвәскәр хоккейчылар катнашында старт ала (Алексеевск сәнәгать паркының идарәче компаниясе).

Һәвәскәр хоккей командасы актив яшәү рәвешен өстен күргән һәм спорт белән шөгыльләнергә яраткан һәвәскәр спортчылар берләшмәсеннән гыйбарәт.

22 июльдә «Алекс Арена» боз сараенда беренче җыелыш узды, анда регламент, катнашу шартлары, оештыру мәсьәләләре турында фикер алыштылар. «Хәзер үк ярышларга Алексеевск, Чистай, Кама Аланы, Болгар, Базарлы Матак, Балык Бистәсе, Нурлат, Аксубай, Буа командалары гариза бирде. Гариза бирү кампаниясе дәвам итә», - дип хәбәр итте Боз сарае директоры Владимир Егоров.

Лиганың төп максатлары булып һәвәскәр хоккейны үстерү һәм популярлаштыру, халыкның сәламәт яшәү рәвешен формалаштыру тора. Җанатарлар өчен уеннарга керү ирекле булачак.