Сәламәтлек артыннан - яңа ФАПка

Алексеевск районында яңа фельдшер-акушерлык пунктлары төзелеше һәм иске фельдшер-акушерлык пунктларын ремонтлау актив алып барыла.

Быел Зур Полянка һәм Войкино авылларында модульле яңа ФАПлар файдалануга тапшыру планлаштырыла, алар буенча эшләр график нигезендә башкарыла.

Войкино җирлегендә хәзерге вакытта отмостканы салу, пандусны ныгыту, бина алдындагы мәйданчыкларны ныгыту, агызу чокырлары мәйданчыкларын һәм каты коммуналь калдыкларны утильләштерү өчен мәйданчыкларны салу буенча эшләр алып барыла. Зур Полянка авыл җирлегендә төп эшләр башкарылган, кечкенә генә штрихлар калган.

Ике ФАПның төзелеш эшләрен быел октябрьгә кадәр тәмамларга планлаштыралар.

Моннан тыш, районда Балахчино һәм Базяково авылларында ФАПларга капиталь ремонт ясалды. Ремонт кысаларында түбә алыштырылган, керү төркеме яңартылган, коммуникацияләр алыштырылган, яңа тәрәзәләр урнаштырылган һәм косметик эшләр башкарылган. Шулай ук җиһазларны яңарттылар. ФАПларны ремонтлау җирлектә яшәүчеләр өчен мөһим вакыйгага әверелде, чөнки хәзер пациентлар өчен дә, медицина персоналы өчен дә уңайлы шартлар тудырылган.