Руль артында-ханым!

Алексеевскида «Автоледи-2023»конкурсы узды.

«Таң» сөйләвенчә, конкурста Диана Захарова, Светлана Кислова, Татьяна Русакова, Эльмира Карамышева, Ирина Фионина, Татьяна Токарева катнашты.

Беренче этапта конкурсантлар юл хәрәкәте кагыйдәләре буенча теоретик белемнәрен тикшерделәр, ә икенче этапта автодромда фигуралы йөртү, автомобиль белән идарә итү осталыгын күрсәттеләр.

Ике этап нәтиҗәләре буенча 1 урынны Татьяна Русакова алды. Аңа Алексеевск районының «Автоледи-2023» титулы бирелде, 2 урынны Ирина Фионина алды, 3 урынны Эльмира Карамышева һәм Диана Захарова бүлеште.

Район этабы җиңүчесе-Татьяна Русакова 3 августта Казан шәһәрендә узачак республика ярышларына әзерләнәчәк.