Район аграрийлары бергәләп киңәшмә үткәрделәр

Алексеевск ХП кырларында авыл хуҗалыгы предприятиеләре җитәкчеләре булачак урып-җыю кампаниясе һәм ашлык уңышы мәсьәләләре буенча фикер алыштылар.

Авыл хуҗалыгы идарәсе башлыгы Газинур Мусин бодай җыюның беренче көненең нәтиҗәләре белән уртаклашты һәм башка предприятиеләрдә алга таба уңыш җыю буенча тәкъдимнәр бирде.
Ул шулай ук җитәкчеләргә уңыш җыю вакытындагы янгын куркынычсызлыгы турында искәртте. Басуларда авыл хуҗалыгы эшләрен башкарганда янгын чыганакларын оператив рәвештә бетерү өчен һәрвакыт махсус техника булырга тиеш.
Урып-җыю кампаниясе ахырына кадәр җитәкчеләрнең күчмә киңәшмәләре даими үткәреләчәк.