Россия Президенты Владимир Путин Олег Морозовны Дуслык ордены белән бүләкләде

Россия Президенты Владимир Путин Олег Морозовны Дуслык ордены белән бүләкләде

Олег Морозовны Дәүләт бүләге белән бүләкләү турында Указга Президент Владимир Путин кул куйды.

Бу атнада Зур Кремль сараеның Екатерина залында дәүләт эшлеклеләренә, шулай ук мәдәният һәм сәнгать эшлеклеләренә югары бүләкләр тапшыру тантанасы узды. Дәүләт Думасының Контроль комитеты рәисе, Дәүләт Думасы депутаты Олег Морозов, ул парламентның түбән палатасында Татарстан Республикасын тәкъдим итә, Дуслык ордены белән бүләкләнде.

Шулай ук Кремльдә Дәүләт Думасы вице-спикеры Ирина Яроваяны, парламентта «Бердәм Россия» фракциясе җитәкчесе Владимир Васильевны, депутат Валентина Терешкованы, төбәк башлыкларын бүләкләделәр.

Дуслык ордены- Россия Федерациясенең Дәүләт бүләге. Россия Федерациясе Президентының 1994 елның 2 мартындагы 442 номерлы Указы белән барлыкка китерелгән. Дуслык ордены белән Россия дәүләтчелеген ныгытудагы казанышлары, парламентаризм үсешенә зур өлеш керткәне, актив закон чыгару эшчәнлеге, милләтләр һәм халыкларның дуслыгын һәм хезмәттәшлеген ныгыткан, Россиянең икътисади һәм фәнни потенциалын үстерүдә югары казанышлары, милләтләр һәм халыклар мәдәниятләрен якынайту һәм үзара баету, дәүләтләр арасында тынычлык һәм дуслык мөнәсәбәтләрен ныгыту буенча аеруча нәтиҗәле эшчәнлеге өчен бүләкләнәләр.

Дуслык ордены билгесе көмештән эмаль һәм алтын белән эшләнгән. Ул  таралып торган алтын нурлар өеме  барлыкка китергән,биш почмаклы 
 йолдыздан тора. Йолдызның үзәгендә- җир шарының өстәлмә рәсеме, аның аерым детальләре төсле эмаль белән капланган. Җир шары рәсеме яшел эмаль белән капланган лавр ботакларыннан ясалган венок белән рамланган. Венокта-рубиннар. Орденның икенче ягында рельефлы язу: «Тынычлык һәм дуслык» һәм орденның номеры.