Юбилярларга бүләкләр белән
Июнь аенда Алексеевск районында яшәүче ике кеше 90 яшьлек юбилеен билгеләп үтте.
Алексеевск районы башлыгы урынбасары Галина Белова һәм Зирекле авыл җирлеге башлыгы Айдар Зиннәтуллин Зирекле авылында яшәүче Елена Александровна Данилованы лаеклы юбилее белән котладылар.
Елена Александровна Алексеевск районы Зирекле авылында крестьян гаиләсендә туган. Әти-әнисе өч ул һәм бер кыз үстерә. Елена-иң кечесе. Балачагы җиңел булмаган әтисе Александр Яковлевич һәм өлкән абыйлары Михаил һәм Николай Бөек Ватан сугышы фронтларында сугышканнар, әнисе еш авырый. Елена Александровна иртә ятим кала, әти-әнисе ул яшүсмер чагында үлә. Аны тәрбияләү, белем бирү белән өлкән абыйлары шөгыльләнә.
Елена Александровна Данилованың хезмәт эшчәнлеге туган авылы белән бәйле. Колхозда төрле эшләрдә эшли, әмма хезмәт юлының төп өлеше Зирекле фельдшер - акушерлык пункты белән бәйле, анда ул озак еллар санитарка булып эшли. Елена Александровна үз бурычларын бик төгәл вакытында башкара, эш буенча бернинди дә искәрмәләре юк. Күп кенә кешеләр әле дә Елена Александровнаның ачыклыгын, шәфкатьлелеген һәм мәрхәмәтлелеген искә төшерәләр. «Хезмәт ветераны» исеме һәм медале бар.
1950 елда кияүгә чыга. Елена Александровна ике ул тәрбияли. Балалар әниләре белән бер авылда яшиләр, һәрвакыт аны кайгыртучанлык һәм ярату белән урап торалар. Елена Александровнаның биш оныгы, 8 оныкчыгы бар.
***
Ялкын авылында яшәүче Константин Иванович Фоминны Алексеевск районы башкарма комитеты җитәкчесе Марат Гайсин, Ялкын авыл җирлеге башлыгы Ирина Гущина 90 яшьлек юбилее белән котладылар.
Фомин Константин Иванович Алексеевск районы Красная Горка авылында туган. Майна мәктәбенең 5 сыйныфын тәмамлагач, эшкә китә. Аннары армиядә хезмәт итә, аннан соң Кемерово өлкәсенә китә, шахтада эшли. 1958 елда Зинаида Ивановна Крыловага өйләнә, алар бергә 31 ел яшиләр. Тол калгач, ул Ялкын авылына кызы янына күченә.
Константин Ивановичның ике баласы, 4 оныгы, 7 оныкчыгы һәм 2 оныкасы бар. Кызының гаиләсендә ул якын һәм туган кешеләренең кайгыртуы һәм игътибары белән уратып алынган.
Юбилярларга Алексеевск районы башлыгы Сергей Демидовның азык-төлек пакетлары һәм котлау открыткалары тапшырылды.