Җир законнары турында
Казан районара табигатьне саклау прокуратурасы су һәм җир законнарының үтәлешен тикшерде.
Татарстан Республикасы Яшел Үзән муниципаль районында урнашкан җир кишәрлеген формалаштыру һәм читләштерү барышында аның составына Куйбышев сусаклагычының (Идел елгасы) 6 мең кв. метрдан артык мәйданлы акваториясе һәм яр буе полосасы законсыз кертелгәнлеге ачыкланды.
Закон бозуларны бетерү максатыннан табигать саклау прокуроры судка су фонды җирләрен дәүләт милкенә кайтаруны таләп итеп мөрәҗәгать итте.
Татарстан Республикасы Яшел Үзән шәһәр суды табигатьне саклау прокурорының таләпләрен законлы һәм нигезле дип таныды. Участок хуҗасына ЕГРНда участок чикләре турындагы мәгълүматка үзгәрешләр кертү бурычы йөкләнгән.
Табигатьне саклау прокуратурасы катнашы белән су фонды җирләре дәүләт милкенә кайтарылачак.