Суларны саклау турында

Казан районара табигатьне саклау прокуратурасы тарафыннан су саклау өлкәсендәге законнарның үтәлешен тикшерү үткәрелде.

Татарстан Экология һәм табигый байлыклар министрлыгы тарафыннан судан файдалану шартнамәсен әзерләү һәм төзү кагыйдәләрен бозып, вәкаләтле органнар белән су объектыннан файдалану шартларын килештермичә, эшкуарга Казан шәһәре территориясендәге Кабан күле акваториясе участогы бирелгәнлеге ачыкланды.

Закон бозуларны бетерү максатыннан табигать саклау прокуроры тарафыннан министрлык адресына карала торган тәкъдим кертелде.

Закон бозуларны бетерү табигатьне саклау прокуратурасы контролендә.