Чыгарылыш сыйныф укучыларына сайлауда ярдәм итәләр

Мәктәпләрдә чыгарылыш имтиханнары вакыты якынлаша, һәм чыгарылыш сыйныф укучылары алдында киләчәк язмыш һәм укуны дәвам итү урынын сайлау бурычы туачак. Кая барырга әле карар итмәгәннәргә уку йортын сайларга югары уку йортларында һәм урта махсус уку йортларында укучы алексеевлылар ярдәм итәләр.

Безнең якташларыбыз, Бөтенроссия дәүләт юстиция университетының(РПА Минюста России) Казан институты (филиалы) 3 курс студентлары Фәйрүзә Хәмәтгалиева һәм Аделина Назыйрова һөнәри юнәлеш бирү эше кысаларында район үзәгенең беренче һәм икенче мәктәпләрендә булдылар. Укытучылары, административ һәм финанс хокукы кафедрасы доценты Адель Хәйруллин белән бергә Фәйрүзә һәм Аделина үзләренең уку йортлары турында сөйләделәр һәм балалар белән студент тормышы турында хикәят кылдылар.

Фәйрүзә Хәмәтгалиева:

- Минемчә, юристның төп максаты-закон һәм хокук тәртибен саклау. Һәр кеше законны белергә һәм аны үтәргә тиеш. « Законнарны белмәү җаваплылыктан азат итми», - ди хокукның төп постулаты. 6 нчы сыйныфта мин кем булырга теләгәнемне, нинди фәннәрне тапшырачагымны белә идем. Мин үземнең тормыш юлымны сайладым. Бездә кызыклы студент тормышы өчен бар нәрсә дә бар: иҗтимагый эштә катнашу, фән, спорт, иҗат белән шөгыльләнү. Безнең теләсә нинди инициативалар безнең университет җитәкчелеге тарафыннан хуплау таба. Көн саен без бу өлкәдә белемнәребезне тулыландырабыз: законнарны, уставларны өйрәнәбез, фикер йөртәбез - бу бик шәп һәм  әйбәт.

Мин инде өченче курс студенты, һәм мин сайлаган югары уку йорты һәм һөнәр мине бер тапкыр да күңелсезләндермәде, киресенчә, көннән-көн алар миңа күбрәк кызыклы. Киләчәк чыгарылыш сыйныф укучылары дөрес сайлау ясарлар һәм үз максатларына ирешерләр дип ышанам.

Аделина Назыйрова:

- Безнең көннәрдә күп кенә конфликтлар һәм бәхәсләр бара, аларны хәл итү кайвакыт законнар һәм кагыйдәләрне белмичә мөмкин түгел. Юрист һөнәрен сайлавымның беренче сәбәбе шунда. Җинаять, гражданлык, торак, гаилә һәм хезмәт Кодексларын, Конституцияне һәм башка күп кенә законнарны яхшы белү, шулай ук аларны куллану осталыгы теләсә нинди конфликтта гаделлеккә ирешергә ярдәм итә. Юристлар кешеләргә, компанияләргә һәм бөтен дәүләтләргә үз мәнфәгатьләрен яклауда ярдәм итәләр, шуңа күрә аларның иҗтимагый тормышка керткән өлеше бик мөһим.

Юрист һөнәренең барлык өстенлекләре һәм мөмкинлекләре турында уйланып, мин «Ни өчен мин юрист булырга телим? »  дигән сорауга ышаныч белән җавап бирә алам. Юрист белгечлеге-иң кирәкле һөнәрләрнең берсе, чөнки юрист теләсә кайсы оешмада, җитештерүдә кирәк, һәм мин киләчәктә яхшы, кызыклы эш таба алырмын һәм, иң мөһиме, кешеләргә файда китерә алырмын дип ышанам.

Беренче мәктәпне тәмамлаучы Айнур Харисов, хәзер В.Г. Тимирясов исемендәге Казан инновацион университетында икътисад факультетында укый, укучыларга үзенең югары уку йорты турында җентекле мәгълүмат сөйләде. Ул университетның фәнни эшчәнлеген билгеләп үтте, стипендияләр, актив студентларның матди дәртләндерүләре һәм студентларның бай тормышы турында сөйләде.

Аграр колледж да актив һөнәри юнәлеш бирү эшен алып бара. «Һөнәри сынау көне» программасы кысаларында 20 нче марттан 24 нче мартка кадәр район мәктәпләренең 8 нче һәм 9 нчы сыйныф укучылары һәм ата-аналары өчен колледж вәкилләре мәгариф бүлеге белән берлектә берничә очрашу үткәрделәр. Колледж хезмәткәрләре студентлар алган һөнәрләр, заманча уку базасы һәм уңайлы тулай торак турында сөйләделәр. Шулай ук сүз алга таба уку һәм колледжны тәмамлаучыларны эшкә урнаштыру мөмкинлеге турында барды.