Җиңүчеләрне акчалата сертификатлар белән бүләкләделәр

Ромодан мәктәбе укучылары юл хәрәкәте иминлеге буенча конкурста өченче урынны яуладылар.

Балалар "Куркынычсыз тәгәрмәч" республика конкурсында иң яхшылар арасына керде, ә команда катнашучысы Антон Балясников медицина ярдәме күрсәтү станциясендә шәхси зачетта өченче урынны алды.

Антон Балясников, Виолетта Егорова, Алена Лукоянова һәм Кирилл Маркачевны бүләкләү тантанасында башкарма комитет җитәкчесе урынбасары Альбина Симашева мондый нәтиҗәнең безнең район укучылары тарафыннан беренче тапкыр ирешелгәнлеген ассызыклады. Шулай ук балаларга лаеклы медальләр, дипломнар һәм бүләкләрне мәгариф бүлеге начальнигы урынбасары Людмила Кирюхина, ЮХИДИ бүлеге начальнигы Руслан Шакиров һәм Чистай юл хәрәкәте куркынычсызлыгы бүлеге начальнигы Светлана Сидорова тапшырдылар.

Призлы урын өчен Ромодан мәктәбе 8 мең сумлык бүләк сертификаты, ә команда җитәкчесе, ОБЖ укытучысы Александр Иванов 3 мең сумлык сертификат алды. Шулай ук Антон Балясников өченче урын өчен 2,5 мең сум акча алды. Команда ОБЖ станциясендә алган өченче урын өчен мәктәп 2000 сум акча алды.