Равиловларның бриллиант туйлары!
18 ноябрь көнне Кыр Шонталысы авылында Равиловларның гаилә тормышы юбилярлары Нуриәхмәт Хатыйп улы һәм Галия Исмәгыйль кызын котладылар. Алар бу айда бриллиант туйларын билгеләп үттеләр, район башлыгы Сергей Демидов исеменнән башкарма комитет эшләре белән идарә итүче Йосыпова Гөлсинә Әсәдулла кызы һәм ЗАГС бүлеге начальнигы Бакеева Галина Валерьевна котладылар.
Юбилярларга чәчәкләр һәм истәлекле бүләк тапшырдылар.
Равиловлар гаиләсе - нык, тату, хезмәт сөючән гаилә! Гомер буе алар авыл хуҗалыгында намус белән эшләделәр. Аларның бүләкләре һәм мактау грамоталары бар. Бергәләп алар тормышның барлык сынауларын һәм кыенлыкларын үттеләр, үзара мәхәббәт һәм тугрылыкны саклап калдылар, үрнәк булырлык балалар һәм оныклар тәрбияләделәр. Сезне гаиләгездә яшәүнең 60 еллыгы белән котлыйбыз һәм сезгә озак елларга сәламәтлек, көч, туганнарыгызның һәм якыннарыгызның игътибарын тоеп яшәвегезне телибез.