Алексеевскида сабанчылар конкурсы узды
Бүген Алексеевскида «Иң яхшы сабанчы» һөнәри осталык ярышлары узды. Районның ун хуҗалыгы вәкилләре мастер исеме өчен көрәштеләр: Сибатов Хәмит Марс улы - «Алга» колхозы, Гатин Фәрит Сәидгәрәй улы - «Родина» колхозы, Кузьмин Алексей Михайлович - Алексеевск халык эшмәкәре, Денисов Алексей Анатольевич - Алексеевск халык эшмәкәре, Иванов Виктор Николаевич - «Восток Зернопродукт» АҖ, Елдашев Петр Петрович - «ВЗП Биләр» ҖЧҖ, Свистунов Дмитрий Анатольевич - «ВЗП Северное» ААҖ, Рогожкин Олег Александрович - «Элита» ҖЧҖ, Платонов Иван Иванович - «Трио» ҖЧҖ һәм Житин Сергей Анатольевич - Р. М. Хәмитов КФХ.
Ярышларда катнашучыларны район башлыгы Сергей Демидов сәламләде: «Сез һәр көнне безнең халык, алексеевскилылар файдасына хезмәт куйган кешеләр. Мин сезгә Авыл хуҗалыгы өлкәсендә фидакарьлегегез өчен рәхмәт белдерәм. Сезгә һәм гаиләләрегезгә иминлек, муллык һәм бәхет телим».
Ярышларны ачу дәрәҗәсе, район флагын күтәреп, иң тәҗрибәле механизатор Олег Рогожкинга насыйп булды.
Ярышларда катнашучыларны районның авыл хуҗалыгы һәм азык-төлек идарәсе башлыгы Газинур Мусин һәм механикалаштыру һәм техник сервис институты директоры Сергей Яхин да сәламләде.
Ярышлар дүрт этапта узды: Беренче этап – теоретик этап. Ул юл хәрәкәте кагыйдәләрен белүне һәм техниканы куркынычсыз эксплуатацияләүне тикшерүне үз эченә алды.
Икенче этап – гамәли этап: ЕТО (ай саен техник хезмәт күрсәтү) үткәрү. Өченче этапта сөрүлек агрегатының әзерлеге бәяләнде.
Дүртенче этап - практик, җирәбә салу буенча сайлап алынган җирне сөрү. Конкурста җиңүче дүрт этапта иң күп балл җыю буенча билгеләнде. Ике номинациядә җиңүчеләрне һәм призерларны бүләкләделәр: 1 урын - Фәрит Гатин "Родина" колхозы; 2 урын - Рәфәгать Гыйззәтов "Алга" колхозы, 3 урын - Альберт Фәттахов "Востокзернопродукт"; әйләнеш сабаннары белән энергиягә бай тракторларда эшләүче механизаторлар: 1 урын - Сергей Житин Хәмитов КФХ, 2 урын - Петр Елдашев "Биләр" ВЗП һәм 3 урын - Алексей Кузьмин "Алексеевск" ХЭ.