Уку елы заманча мәктәптә башланачак!
Зур Тигәнәле авылында 80 урынлы балалар бакчасы булган яңа гомумбелем бирү мәктәбе төзелә.
Татарстан Республикасы дәүләт төзелеш күзәтчелеге инспекциясенең Кама аръягы территориаль органы хезмәткәрләре әлеге объектта күзәтчелек итәләр.
Гомуми мәйданы 1416 кв. метр булган ике катлы кирпеч бинада берничә блок эшләячәк: 20 урынлы балалар бакчасы, ашханә, медпункт, уңайлы спорт залы, 60 урынлык мәктәп.
Беренче катта балалар бакчасында төркем бүлмәләре, уңайлы йокы бүлмәләре, чишенү бүлмәләре, персонал кабинетлары каралган. Икенче катта якты уку сыйныфлары, махсуслаштырылган кабинетлар, укытучылар, уку залы, китап саклаучы зал һәм актлар залы урнашачак.
Балалар бакчасы заманча санузеллар, душ, озынайтылган көн төркемнәре өчен аерым йокы бүлмәләре, мөмкинлекләре чикләнгән балалар өчен уңайлыклар, лифт белән җиһазландырылачак. Ерактан керамогранит белән тышланган вентиляция фасадын күрергә мөмкин булачак. Территориядә җиләк-җимеш бакчасы утырту планлаштырыла.
Төзүчеләр монолит тимер-бетон фундаментлар, җир асты катлары, кирпеч кладкалар, түбәләр, тәрәзә блоклары төзү эшләрен төгәлләде, су-җылылык белән тәэмин итү буенча тышкы инженерлык челтәрләре монтажы башкарылды. Хәзерге вакытта эчке инженерлык челтәрләрен монтажлау эшләре бара, төзекләндерү эшләре башланган. Төзелеш эшләрен җәй ахырына тәмамлау планлаштырыла. Якын-тирәдәге барлык балалар һәм мәктәп укучылары яңа заманча бинада яңа уку елын башлап җибәрә алачак.