Сайлау ясалды
Россиядә Конституциядә үзгәрешләр буенча тавыш бирү узды.
Алексеевск муниципаль районының территориаль сайлау комиссиясе хәбәр итә.
2020 елның 1 июлендә Россия Федерациясе Конституциясенә үзгәрешләр кертү мәсьәләсе буенча Алексеевск муниципаль районының участок сайлау комиссияләре беркетмәләренең беренче нөсхәләрендәге күрсәткечләр нигезендә Татарстан Республикасы Алексеевск муниципаль районының территориаль сайлау комиссиясе Россия Федерациясе Конституциясенә 2020 елның 1 июлендә Алексеевск муниципаль районы территориясендә узган һәм дөрес булган үзгәрешләр кертү мәсьәләсе буенча тавыш бирүне таныды. Тавыш бирүдә 18447 сайлаучы катнашты, бу тавыш бирү тәмамланган мизгелгә исемлеккә кертелгән сайлаучылар санының 95,56%ын тәшкил итә. Россия Федерациясе Конституциясенә үзгәрешләр кертү турында сайлаучылар тавышлары түбәндәгечә бүленде:
«Әйе»- 16683 кеше (90,44%)
«Юк» -1761 кеше (9,55%)
Исегезгә төшерәбез, Россия Федерациясе Конституциясенә төзәтмәләр буенча тавыш бирү 25 июньдә башланды һәм алты көн дәвам итте.
Тавыш бирүнең төп этабы 1 июльдә булды. Газета номеры чыгу моментына, 2 июльгә, алексеевскилыларның сайлау участокларына килүе 95,56% тәшкил итте. 1 июль кичендә үк билгеле булган беренчел мәгълүматлар исә россиялеләрнең нигездә канундагы төзәтмәләргә "әйе" дип әйтүләрен ачык күрсәтә. Закон нигезендә, төзәтмәләр үз көченә керсен өчен, аларны тавыш бирүдә катнашкан кешеләрнең яртысыннан күбрәге хупларга тиеш. Төзәтмәләр төп канундагы 206 үзгәрешне күздә тота. Алар шул исәптән берничә социаль гарантияне конституцион дәрәҗәдә ныгыталар, парламент вәкаләтләрен киңәйтәләр, югары вазыйфаи затлар өчен чикләүләр кертәләр, Россия Конституциясенең халыкара законнар таләпләренә өстенлеген билгелиләр, Дәүләт Советы ролен һәм статусын ныгыталар.
Тору урыны буенча тавыш бирү
Биологик ресурслар буенча Татарстан Республикасы Дәүләт комитеты рәисе Федор Батков (фотода) Алексеевскида булу урыны буенча тавыш бирү участогын сайлап һәм аңа беркетеп тавыш бирде. Моны алдан ук "Мобиль сайлаучы" системасы аша гариза биреп эшләргә мөмкин иде. Район башлыгы Сергей Демидов озатуында Федор Батков УИК эше белән танышты.
Өйдә тавыш бирү
Алексеевск районында Конституциягә төзәтмәләр буенча тавыш бирү барлык эпидемия куркынычларын исәпкә алып узды. Роспотребнадзор киңәшләрен үтәүне участок сайлау комиссияләре рәисләре күзәтте.
Аерым категория гражданнар өчен өйдә тавыш бирү мөмкинлеге каралган иде. Моны 25 июньнән 1 июльгә кадәр эшләп була иде. УИК әгъзалары һәм күзәтүчеләр халатлар, перчаткалар, битлекләр кигән һәм махсус пластик экран белән сакланган. Алар фатирларга һәм йортларга кермәгәннәр. Тавыш бирү өчен тартма тавыш бирүченең ишеге янында урнаштырылган. Тавыш бирүчегә форманы фатирда тутырырга рөхсәт ителә. Сайлау участокларында да барлык саклык чаралары үтәлде.