КФУ чит ил студентларына ярдәм күрсәттеләр
Район башлыгы Сергей Демидов Казан федераль университеты ректоры Илшат Гафуровның башка дәүләтләрдә яшәүче студентларга хәйрия ярдәме күрсәтү турындагы үтенечен җиткерде.
Хәзер егетләр Универсиада авылында яши һәм үз-үзләрен изоляцияләү режимы белән өйләренә китә алмый. Алексеевск районы кулланучылар җәмгыяте автолавкасы белән аларга азык-төлек продуктлары һәм беренче кирәк-яраклар китереләчәк.
«Бүген без чираттагы азык-төлек җыелмасын алдык, моңа бик шат идек. Бу безне үзизоляция вакытында тәэмин иткән өченче комплект! Бер кешегә исәпләнгән пакетта макарон, консерва (сыер ите, чөгендер), печенье, чәй һәм кетчуп/майонез бар, - дип уртаклашты Социаль-фәлсәфи фәннәр һәм массакүләм коммуникацияләр институтының 3 курс студенты Анжелика Хәлилова (Үзбәкстан). Университетның ярдәмен тою бик күңелле. Сине бәладә калдырмауларын беләсең!»