Кадастр палатасы һәм Татарстан Росреестры гадиләштерелгән схема буенча шәһәр яны күчемсез милеген ничек рәсмиләштерергә икәнен хәбәр иттеләр
Кадастр палатасы һәм Татарстан Росреестры гадиләштерелгән схема буенча шәһәр яны күчемсез милеген ничек рәсмиләштерергә икәнен хәбәр иттеләр.
Дачная амнистия гадиләштерелгән формада 2021 елның 1 мартына кадәр гамәлдә булуын дәвам итә, дип искәртте татарстанлыларга ведомстволар белгечләре, һәм дачага хокукларны ничек теркәү турында сөйләделәр.
Россиядә Дача амнистиясен узган ел озайттылар, әмма аның кайбер аермалары бар. Гражданнарга шуңа игътибар итәргә кирәк: алдагы дача амнистиясеннән аермалы буларак, хәзерге вакытта бакчачылык өчен җир кишәрлекләрендә төзелгән күчемсез милек объектларына гына кагылган.
Төзелгән корылмаларга хокук рәсмиләштерергә теләгән җир кишәрлекләре ияләренә документны җиргә һәм техник төзелеш планын тәкъдим итәргә кирәк. Техник планны әзерләү өчен кадастр инженерына мөрәҗәгать итәргә кирәк. Ул объектка декларация яки проект документациясе нигезендә техник план төзиячәк. КФҮ аша документларны теркәү органына шәхсән, почта аша һәм электрон рәвештә бирергә мөмкин. Шулай ук хокукны теркәү өчен дәүләт пошлинасын түләргә кирәк булачак.
Рәсмиләштерүгә керешкәндә, «дача амнистиясе» нечкәлекләрен дә исәпкә алырга кирәк. «Торак яисә бакча йорты төзелешнең җирдән файдалану һәм җирлек яисә шәһәр округы төзү кагыйдәләрендә билгеләнгән иң чик параметрларына туры килергә тиеш. Татарстан Республикасы буенча Росреестр идарәсе экспертлары билгеләп үткәнчә, «индивидуаль торак төзелеше» (ИТТ) яисә «шәхси ярдәмче хуҗалык» (ШЯХ) алып бару» рөхсәт ителгән куллану рәвешендәге җир кишәрлекләре өчен дача амнистиясе турында яңа закон нормасы кулланылмый. ИТТ һәм ШЯХ җирләрендә күчемсез милек объектларын кадастр исәбенә алу һәм аларга хокукларны рәсмиләштерү Шәһәр төзелеше кодексында каралган мөрәҗәгатьләр булганда уздырыла. Хуҗага җирле үзидарә органына булачак объектның параметрларын тасвирлап, планлаштырылган төзелеш турында хәбәрнамә җибәрергә, ә ул тәмамлангач - эшләрнең тәмамлануы турында хәбәрнамә җибәрергә һәм бинаның техник планын беркетергә кирәк. Әгәр төзелеш билгеләнгән нормаларга туры килә икән, борчылыр урын юк: вәкаләтле орган күрсәтелгән характеристикаларга туры килү турында бәяләмә бирәчәк. Шуннан соң гына кадастр исәбен алып бару һәм милек хокукын рәсмиләштерү өчен документлар тапшырырга мөмкин булачак.
Татарстан Республикасы буенча Кадастр палатасы экспертлары 2021 елның мартына кадәр шулай ук 2018 елның августына кадәр төзелә яисә реконструкцияләнә башлаган торак йортны һәм торак төзелешен рәсмиләштерергә мөмкин булуына игътибар итә. Моннан тыш, дача амнистиясе гавами милектәге һәм коммерциягә карамаган ширкәтләргә бакчачылык, яшелчәчелек яки дача хуҗалыгы алып бару өчен бүлеп бирелгән җир кишәрлекләрен ташламалы түләүсез бирү вакытын 2022 елның мартына кадәр озайтты.
Бакча һәм яшелчә бакчасы коммерциягә карамаган ширкәтләр әгъзалары өчен дә яхшы яңалык, алар ширкәткә 2001 елның ноябренә кадәр бүлеп бирелгән җирдән төзелгән кишәрлекне сатып алырга хокуклы. Чөнки әгәр алар барысын да 2022 елның 1 мартына кадәр рәсмиләштерергә өлгермәсәләр, алга таба мондый кишәрлекләрне милеккә сатып алу бары тик торглар уздырганнан соң гына мөмкин булачак. Әлегә исә җирле администрациягә тиешле гариза, участокларны бүлү һәм җир кишәрлеген кадастр планында урнаштыру схемасы турында ширкәт әгъзаларының гомуми җыелышы беркетмәсе белән мөрәҗәгать итү дә җитә.
Белешмәгә
Алдагы дача амнистиясе 2006 елдан 2019 елның мартына кадәр гамәлдә булды. Бу чорда Татарстанда 740 меңнән артык күчемсез милек объектын теркәделәр.