Пенсия фонды законсыз түләүләрне булдырмау өчен пенсия алучыларны актуальләштерү үткәрә
Татарстан Республикасы буенча Пенсия фонды бүлеге тарафыннан билгеле бер чор дәвамында гаилә әгъзаларының вафат булган пенсионер туганнарының пенсияләрен хокуксыз алу очраклары ачыкланды. Мондый хәлләргә юл куймас һәм законсыз түләүләрне булдырмас өчен фонд җитәкчелеге 1934 елда туган һәм аннан өлкәнрәк кредит оешмалары аша пенсия алучыларны ашыгыч төстә актуальләштерү турында карар кабул итте.
Игътибар! 2019 елның декабрь ае дәвамында Пенсия фондының территориталь органнары хезмәткәрләре шәхесне раслау, мәгълүматларны актуальләштерү һәм пенсияләрне артык түләүне булдырмау максаты белән әлеге пенсияне алучыларның өйләренә барачаклар.
Игътибарыгызны шуңа да юнәлтәбез: барлык хезмәткәрләр Россия Пенсия фонды хезмәткәре таныклыгына ия һәм аны гражданин таләбе буенча күрсәтергә тиешләр.
- Фонд хезмәткәрләре әлеге гражданнарның өйләренә барачаклар һәм аларны шәхесне раслау өчен РПФның клиент хезмәтләренә үзләренә мөрәҗәгать итәргә чакырмыйлар. Әгәр хезмәткәр пенсионер белән очраша алмаса, почта тартмасына белешмәлек һәм шәхесне раслау кирәклеге турында хәбәр калдыралар, - дип билгеләп үтте Татарстан Республикасы буенча Пенсия фонды идарәчесе урынбасары Асия Вәлиуллина.
Исегезгә төшерәбез, пенсионер вафат булган очракта аның туганнары әгәр гражданин агымдагы айның акчасын алганчы үлгән булса гына ала алалар.