Алексеевск муниципаль районы

Сабантуй - 2012!

2012 елның 15 июне, җомга

11 июньдә районның үзәк мәйданында Татарстан кешеләренең яраткан бәйрәме–районыбыз территориясендә яшәүче халыкларның гореф-гадәтләрен, йолаларын үз эченә алган Сабантуй булды.
Моны район җитәкчеләре һәм Сабантуйның мәртәбәле кунаклары да билгеләп үттеләр. Муниципалитет башлыгы Владимир Козонков авыл хуҗалыгы хезмәтчәннәренә авыр хезмәтләре өчен рәхмәт әйтте һәм, быелгы чәчү үзенчәлекле булды һәм авыл хезмәтчәннәреннән зур киеренкелек таләп итте, диде. “Родина” һәм “Алга” колхозларын аерып күрсәтте.
РФ Дәүләт Думасы депутаты Айрат Хәйруллин, алексеевскилыларны котлап, безнең җирләрнең матурлыгын һәм районда кадерләп саклана торган традицияләр турында әйтеп китте. Ә ТР Дәүләт Советы депутаты Валентина Липужина, алексеевскилыларга ТР Президенты Рөстәм Миңнехановның бәйрәм белән котлавын тапшырып, Сабантуйны Россия тарихы елында үткәрүнең аерым мөһимлеген искәртте. Бәйрәмдә дәрәҗәле кунаклар өчен әзерләнгән урында ТР Хисап палатасы рәисе Алексей Демидов утырды.
Мәйданга килүчеләрнең барысы да чәчү батырларын, терлекчеләрне, иң яхшы авыл җирлекләрен бүләкләүдән, шулай ук биюләрдән, җырлардан, күңелле конкурслардан, спорт бәйгеләреннән, ат чабышларыннан, әтәч алырга баганага менүләрдән барлыкка килгән матур күренешне күрделәр. Халык бәйрәмен батыр исеме өчен кызу көрәш тулыландырды, Зур Тигәнәледән Илнар Яруллин батыр булып калды. Ә инде искиткеч бу күренешне бәхетле һәм шат күңелле меңләгән алексеевскилының канәгать кәеф белән өйләренә таралышуы тәмамлады.

БАРЛЫК ЯҢАЛЫКЛАРНЫ УКУ