Икътисад бүлеге

Икътисад бүлеге түбәндәге төп функцияләрне гамәлгә ашыру өчен җаваплы:

• социаль-икътисадый программалаштыру;
• дәүләт мәгълүмат ресурсларын формалаштыру белән идарә итү;
• энергия һәм ресурсларны саклау идарәсе;
• сәнәгать белән идарә итү;
• инновацион эшчәнлекне үстерү белән идарә итү;
• инвестицион эшчәнлекне үстерү белән идарә итү;
• планлаштырылган елга социаль-икътисадый программалаштыру;
• озак вакытка исәпләнгән этапта социаль-икътисадый программалаштыру;
• эчке товар базарының аерым товарлар һәм хезмәт күрсәтүләр белән тәэмин ителешен җайга салу.

Бүлек үз компетенциясе кысаларында түбәндәге функцияләрне гамәлгә ашыра:

• Муниципаль районның социаль-икътисади, инновацион, инвестиция һәм сәнәгать сәясәте Стратегиясен эшли һәм аның тормышка ашырылуын тәэмин итә.
• Муниципаль районның һәм аның җирлекләренең икътисади хәлен анализлый һәм аның нигезендә дәүләт структурасын, инновацион һәм инвестиция сәясәтен тормышка ашыру принципларын, методларын һәм рәвешләрен билгели.
• Халыкның тормыш дәрәҗәсен, муниципаль районның һәм җирлекләрнең социаль – икътисадый хәлен бәяләү индикаторларының иң чик күрсәткечләрен билгели, индикаторларның иң чик күрсәткечләренә ирешүне планлаштыра, планлаштырылган нәтиҗәләргә ирешүне контрольдә тота.
• Муниципаль район икътисады секторларының, башка тармакларның һәм икътисадның социаль-икътисадый үсешенең комплекслы фаразын эшләүне оештыра һәм координацияли.
• аерым товарлар һәм хезмәт күрсәтүләр белән тәэмин ителешен җайга салу; товар базарларының инфраструктурасын (җир, күчемсез мөлкәт базарыннан, финанс һәм социаль хезмәт күрсәтүләрдән тыш) үстерү.
• Муниципаль район башкарма хакимияте органнарының муниципаль район икътисадына инвестицияләр җәлеп итү буенча эшчәнлеген координацияли, инвестицияләргә ихтыяҗны өйрәнүне, инвестиция проектларын конкурс нигезендә сайлап алуны оештыра.
• Дәүләт контрактлары реестры хуҗасы функцияләрен гамәлгә ашыра