Алексеевск муниципаль районының Войкино авыл җирлеге башлыгы Надежда Шабутдинова Федерация Советында катнашты
20 апрельдә Алексеевск муниципаль районының Войкино авыл җирлеге башлыгы Надежда Шабутдинова авыл территорияләрен тотрыклы үстерү мәсьәләләре буенча ведомствоара координация советы каршындагы авыл хатын-кызлары комитетының чираттагы утырышында катнашты.
Сенаторларның 63 төбәктән килгән авыл хатын-кызлары белән очрашуы югарыгы палатада узды, анда авылда кече һәм урта эшмәкәрлекне үстерү, агро һәм экотуризм, гражданнарның җирле инициативаларына грант ярдәме күрсәтүнең көнүзәк мәсьәләләре тикшерелде. Шулай ук сентябрьдә Санкт-Петербургта узачак Евразия хатын-кызларының икенче форумында катнашу темасына да кагылып үтелде.
Утырыштан соң экскурсия кысаларында форумда катнашучылар Кремльнең Зур сараена (РФ Президенты резиденциясенә), Алмаз фонды күргәзмәсенә һәм ВДНХга бардылар.